Бульбу ў Беларусі ўбралі з 43% запланаваных плошчаў

Паведамілі БелТА ў прэс-службе Міністэрства сельскай гаспадаркі і харчавання.

Паводле аператыўных звестак на 25 верасня, бульба ўбраная з 43% плошчаў краіны. Накапана бульбы 317 тыс. т сярэдняй ураджайнасцю 338 ц/га. У разрэзе абласцей: Магілёўская — 86 тыс. т, Мінская — 77 тыс. т, Брэсцкая — 66 тыс. т, Гомельская — 35 тыс. т., Гродзенская — 31 тыс. т., Віцебская — 22 тыс. т.

У сельскагаспадарчых арганізацыях і сялянска-фермерскіх гаспадарках намалочана збожжавых з улікам рапсу 9253 тыс. т.

Узарана пад сяўбу азімых збожжавых 1262 тыс. га, што складае 84% ад плана ў 1500 тыс. га. Азімых збожжавых на зерне пасеяна ўсімі рэгіёнамі краіны на 872 тыс. га — 58% ад плана.

Ільнотраста паднятая на 40 тыс. га, што складае 91% ад планавых плошчаў. Абарачэнне стужак лёну праведзена на 23 тыс. га — 54% ад выцерабленага. Нарыхтавана льнотрасты 138 тыс. т.

Кукуруза на сілас убраная з 44% плошчаў.

Нарыхтавана: сена — 603 тыс. т, што складае 84% ад плана, сенажу — 12 771 тыс. т (89%), сіласу — 8680 тыс. т (42%), травяных кармоў — 6255 тыс. т кармавых адзінак (62%).

Наяўнасць мінеральных угнаенняў (азотных, фосфарных, калійных) пад азімую сяўбу — 194% да плана.

Цукровыя буракі ўбраны з плошчы 37 тыс. га — 34% ад плана. Накапана 1659 тыс. т караняплода сярэдняй ураджайнасцю 451 ц/га. У разрэзе абласцей: Мінская — 682 тыс. т, Гродзенская — 570 тыс. т, Брэсцкая — 248 тыс. т, Магілёўская — 140 тыс. т, Віцебская — 18 тыс. т, Гомельская — 1 тыс. т.

Усяго гародніны, вырашчанай у адкрытым грунце, па краіне сабрана 59 тыс. т ураджайнасцю 335 ц/га, што на 49 ц/га вышэй за леташнюю. Засеяныя плошчы складаюць больш за 3 тыс.га, ужо ўбрана 42%.